a shot in the arm ( idiom ) ( အားဆေးတခွက် )
ဆရာကြီးဦးမြရေးသားသောအဆိုလွှာနှင့်တရားစွဲဆိုရန်အကြောင်း
စာမျက်နှာကဃနှင့်ကင
စာရေးသူတရားသူကြီးပေါက်စဘဝကသာယာဝတီခရိုင်မင်းလှမြို့နယ်တရားသူကြီးကတရားမမှုတမှုတွင်ချမှတ်သောစီရင်ချက်ကိုသာယာဝတီခရိုင်တရားရုံးနှင့်ဟိုက်ကုတ်လွှတ်တော်တို့ကပယ်ဖျက်သော်လည်းပရီဗီကောင်စီကအမှုတွင်မြို့နယ်တရားသူကြီး၏အဆုံးအဖြတ်ကမှန်သည်ဟုဆုံးဖြတ်ခဲ့သောအမှုဇာတ်လမ်းတပုဒ်ကိုကြားခဲ့ဖူးသည်။
စာရေးသူ၏လက်ဦးဆရာဖြစ်သောခရိုင်တရားမနှင့်စက်ရှင်တရားသူကြီးဦးအေးကျော်သည်(၂၀၀၀ပြည့်နှစ်အတွင်းကကွယ်လွန်သွားရှာသည်။)ဂျပန်ခေတ်ကမင်းလှမြို့နယ်တရားရုံးတွင် အမှုထမ်းခဲ့သည်။
၁၉၄၇ခုနှစ်၊ဇူလိုင်လ၁၉ရက်နေ့တွင်ဖြစ်ပွားခဲ့သောလုပ်ကြံမှုကြီးတွင်ပါဝင်ခဲ့သည့် ဖော်ကောင်ဘညွန့်သည်၎င်း၏ရှေ့ဖတ်စာရေးဖြစ်ခဲ့သည်။
ဆရာဦးအေးကျော်အရင်အင်္ဂလိပ်ခေတ်ကအမှုစီရင်ခဲ့သောမြို့နယ်တရားသူကြီးအကြောင်းကိုဆရာထံမှကြားမိခြင်းဖြစ်တန်ရာသည်။
တိတိကျကျမမှတ်မိတော့ပါ။
မင်းလှမြို့သည်( ဂဠုန် )ဦးစောရှေ့နေလိုက်ခဲ့သည့်အုတ်ဖိုမြို့နှင့်နယ်နိမိတ်ချင်းကပ်သောမြို့ဖြစ်ပေရာ၊ထိုစဉ်ကမင်းလှမြို့နယ်တွင်ရှေ့နေလိုက်သူအများစုသည် ဦးစောကဲ့သို့ရှေ့နေများဖြစ်တန်ရာသည်။
ဒုတိယကမ္ဘာစစ်ပြီးခေတ်လွန်ကာလတွင်မှ အထက်တန်းရှေ့နေဝေါဟာရပေါ်လာသည်။
အင်္ဂလိပ်ခေတ်ကအဆိုအချေသက်သေထွက်ချက်များနှင့်စီရင်ချက်များကိုအင်္ဂလိပ်ဘာသာဖြင့်ရေးသည်။
ပရီဗီကောင်စီကလက်ခံအတည်ပြုသည့်စီရင်ချက်မျိုးကို မင်းလှမြို့နယ်တရားသူကြီး( ထိုပုဂ္ဂိုလ်သည်ဘွဲ့ရဖြစ်ပါလိမ့်မည်။)
ဆရာဦးအေးကျော်သည်ဘွဲ့ရပြီးနောက်မြန်မာနိုင်ငံတရားဌာနဝန်ထမ်း( အငယ်တန်း )အဖြစ် တရားရေးလောကသို့ဝင်ရောက်ခဲ့သူဖြစ်သည်။
အင်္ဂလိပ်ဘာသာဖြင့်ရေးနိုင်စွမ်းကို စာရေးသူအားမကျဘဲမနေနိုင်။
မြို့နယ်တရားသူကြီးသည်သောကရှင်အမှုသည်ကိုကယ်တင်နိုင်ခဲ့သည်။
ထိုကြားဖူးနားဝရှိခဲ့သည့်စီရင်ချက်ကိုအားကျခဲ့သည်။
စာရေးသူ၏စိတ်သန္တာန်တွင်သာလျှင်ကိန်းဝပ်သောမြို့နယ်တရားသူကြီး၏စီရင်ချက်သည်စာရေးသူအဖို့အားဆေးတခွက်ဖြစ်ခဲ့သည်။
မြန်မာစာအဖွဲ့၏အင်္ဂလိပ်-မြန်မာအဘိဓာန် ( ၂၀၀၆ ခုနှစ်ထုတ် )စာမျက်နှာ၁၂၇၆ တွင် a shot in the arm ( idiom )ကိုအားဆေးတခွက်ဟုဘာသာပြန်သည်။)
စာရေးသူ၏တရားသူကြီးဘဝတလျောက်စီရင်ချက်ရေးတိုင်းကြိမ်တို့ခဲ့သည်။
ဦးစံမောင်ခရိုင်တရားမတရားသူကြီးဘဝကချမှတ်သောစီရင်ချက်များကိုစိတ်ဝင်တစားလေ့လာဖြစ်ခဲ့ခြင်းသည်အခြားအကြောင်းတရားဖြစ်သည်။
Comments
Post a Comment