တရားမကျင့်ထုံးဥပဒေ အမိန့် ၅၊နည်း ၁၇ နှင့် အမိန့် ၅၊ နည်း ၂၀ အကြောင်း။
ဆရာကြီးဦးမြသင်ကြားပို့ချချက်များ တရားမကျင့်ထုံးဥပဒေ၊ အမိန့် ၅ ၊နည်း ၁၇၊ တရားပြိုင်သည်သမ္မန်စာချအပ်ခြင်းကိုငြင်းဆန်လျှင် သို့မဟုတ် တရားပြိုင်ကိုမတွေ့ရှိလျှင် ဆောင်ရွက်ရန်လုပ်ထုံးလုပ်နည်းအကြောင်း နှင့် တရားမကျင့်ထုံးဥပဒေ၊ အမိန့် ၅၊နည်း ၂၀၊ သမ္မန်စာကိုအခြားနည်းချအပ်ခြင်းအကြောင်း။ ———————————————— တရားမကျင့်ထုံးဥပဒေ၊ အမိန့် ၅၊နည်း ၁၇ ၏ဥပဒေသဘော။ နည်း ၁၀၊ ၁၂ နှင့် ၁၆ အရ သမ္မန်စာချအပ်၍မရနိုင်သည့်အခါ နည်း ၁၇ ပါ ပြဌာန်းချက်များ အတိုင်းချအပ်ရန်ဖြစ်သည်။ နည်း ၁၇ အရ သမ္မန်စာအတည်ဖြစ်လျှင် အမှုကိုတဖက်သတ်ကြားနာနိုင်သဖြင့် ဤနည်းဥပဒေသည် ပြစ်ဒဏ်ခတ်သည့်သဘောရှိသည့် ပြဌာန်းချက်တခုဖြစ်၍ ပြဌာန်းချက်တွင်ပါရှိသည့်အတိုင်းတိကျစွာဆောင်ရွက်ရန်လိုသည်။ အေအီးမဒါး နှင့် ကိုမောင်ရွှေ [ 1971 BLR 123 ] ——————————- တရားပြိုင်အားရှာတွေ့ရန် သင့်တင့်လျောက်ပတ်စွာအားထုတ်ရာ၌ မတွေ့သဖြင့် ဤနည်းဥပဒေအရ လိုအပ်ချက်နှင့်အညီ ဆင့်စာကိုကပ်ထားသည့်အမှုများအတွက် အမိန့် ၅၊နည်း ၁၇ ကိုရည်ရွယ်သည်။ ဆင့်စာကပ်ထားခဲ့သည့်အိမ်သည် တရားပြိုင်သာမန်နေထိုင်ရာ သို့မဟုတ် အလုပ်လုပ်ကိုင်ရာအိမ်ဖြစ်ကြောင်း သက်သေပြရမည်။ မောင်မောင်သန်း နှင့် အယ်(လ်)၊ကေ၊အက်(စ...