ဆရာကြီးဦးမြပညာဒါနစာစဉ်၃အမှာစာ
စာမျက်နှာ၁၁နှင့်၁၂
သားသမီးမရသောမြန်မာဗုဒ္ဓဘာသာလင်သေဆုံးသွားသောအခါဇနီးနှင့်လင်အားမွေးစားသောယောက္ခမတို့ခရိုင်တရားမရုံး၌အမွေမှုဖြစ်ကြရာအရေးနိမ့်သူမယားက တရားလွှတ်တော်တွင်တင်သွင်းသောအယူခံ(တရားမပထမအယူခံ)1940 RLR 831 တွင်မယားအတွက်ဦးဧမောင်(နောက်ပိုင်း၌တရားလွှတ်တော်ချုပ်တရားဝန်ကြီးဒေါက်တာဦးဧမောင်)ကဆောင်ရွက်ပြီးအယူခံတရားပြိုင်ယောက္ခမဘက်မှဒေါက်တာဘဟန်(နောက်ပိုင်းတွင်နိုင်ငံတော်ရှေ့နေချုပ်ဖြစ်ခဲ့သည်။)ကဆောင်ရွက်သည်။
အယူခံမှုကို၃ရက်တိုင်ကြားနာခဲ့ရသည်ဟုစီရင်ထုံးစာမျက်နှာ၈၃၁တွင်ဖော်ပြထားသည်။
ယခုအခါအယူခံမှုတမှုကိုတရက်လုံးပင်ကြားနာခြင်းမရှိတော့။
အမှုများကို ကြားနာရာ၌နာရီပိုင်းအတွင်း၌ရုံးထိုင်တရားသူကြီးကသမ်းပြခြင်း၊အိပ်ငိုက်ပြခြင်း၊အိပ်ပြခြင်းများရှိကြောင်းကြားသိရသည်။
မှန်မမှန်ကာယကံရှင်တရားသူကြီးများအသိဆုံးဖြစ်ပေလိမ့်မည်။
တရားသူကြီးတဦးရုံးမထိုင်မီ၎င်း၏ညွှန်ကြားချက်အရရှေ့ဖတ်စာရေးကရုံးထိုင်တရားသူကြီးအစည်းအဝေးတက်ရန်ရှိပါသဖြင့်တိုတိုတုတ်တုတ်လျှောက်လဲကြရန်ကြိုတင်အသိပေးသည်ဆို၏။
အမှန်မှာအစည်းအဝေးတက်ရန်မရှိဟုထိုရှေ့ဖတ်စာရေးကပင်နောက်ပိုင်း၌တီးတိုးဖောက်သည်ချသဖြင့်အဖြစ်မှန်ပေါ်ထွက်သွားသည်ဟူ၏။
ဖြစ်ကောင်းပါသလား ?
အိပ်ပျော်နေသဖြင့်လျှောက်လဲချက်ပေးခြင်းပြီးဆုံးသွားသည်ကိုမသိ၍တရားသူကြီးတဦးမှာရုပ်ပျက်ဆင်းပျက်တရားခွင်မှဆင်းသွားရသည်ဆို၏။
ရုံးထိုင်တရားသူကြီးများသည်၊1940 RLR 831အပါအဝင်စီရင်ထုံးများ၌အယူခံမှုတစ်မှုကိုပင်ရက်ချီ၍ကြားနာခဲ့ရသည့်ထုံးသာဓကများကိုဖတ်ရခဲ့ဖူးပါလျှင်သမ်းပြခြင်း၊အိပ်ငိုက်ပြခြင်း၊အိပ်ပြခြင်းမျိုးကိုပြုလုပ်ကြမည်မဟုတ်ကြပါ။
မဖြစ်သင့်သောကိစ္စများဖြစ်ပါသည်။
အိပ်ငိုက်တတ်လျှင်တားဆီးရန်အစီအမံများကိုကြိုတင်ဆောင်ရွက်ထားသင့်သည်။
ရုံးထိုင်တရားသူကြီးသည်မိမိကြားနာလျက်ရှိသောအမှုများတွင်အမှုဆိုင်လျက်ရှိကြသည့်နှစ်ဖက်သောအမှုသည်များ၏ကံကြမ္မာမှာမိမိအဆုံးအဖြတ်အပေါ်တည်နေပါတကားဟုသတိချွန်းဖြင့်နှလုံးသွင်းလျှင်ငိုက်မျဉ်းခြင်းကိုထိရောက်စွာဟန့်တားနိုင်ပါလိမ့်မည်။
ကြားနာလျက်ရှိသောအမှုများကိုသမ္မာသမာဓိ ( right concentration )ဖြင့်ကြားနာပါကနိဗ္ဗာန်ရောက်ကြောင်းတရားဖြစ်သောမဂ္ဂင်ရှစ်ပါးတွင်ပါသည့်သမ္မာသမာဓိကိုတနည်းအားဖြင့်တည်ဆောက်နိုင်မည်ဖြစ်ရာတရားစခန်းသို့တကူးတကသွားရောက် တရားအားထုတ်ရန်မလိုတော့ခြင်းကိုဆင်ခြင်ရာ၏။
ရှေ့နေများသည်အကြောင်းမဲ့လေရှည်ကြသည်မဟုတ်။
" They are paid to talk . "
ဟုပြောစမှတ်ပြုခြင်းကိုသတိချပ်သင့်ပါသည်။
အမှုသည်များပေးသောဉာဏ်ပူဇော်ခအတွက်တာဝန်ကျေပွန်အောင်လျှောက်လဲနေသည်ဟုသိမြင်ရာသည်။
တရားသူကြီးအတ္တကိုလူမြင်သူမြင်ထုတ်ပြရန်မသင့်။
" They are paid to listen . "
ဟုဆိုခြင်းမှာရင့်သီးသောစကားအသုံးအနှုန်းဖြစ်သည့်သဘောရှိသော်လည်းလျစ်လျူရှုရန်သင့်မသင့်အလေးအနက်ဆင်ခြင်အပ်သည်။
Comments
Post a Comment