Video Conferenceing စနစ်ကိုအသုံးပြု၍တရားစီရင်ပိုင်ခွင့်ရှိပါ၏လော
ဆရာကြီးဦးမြသင်ကြားပို့ချချက်များ
Video Conferencing စနစ်ကိုအသုံးပြု၍တရားစီရင်ပိုင်ခွင့်ရှိပါ၏လော ?
တရားရုံးလုပ်ငန်းများတွင်၊တရားရုံးစီမံခန့်ခွဲရေးလုပ်ငန်းများ၊တရားစီရင်သည့်လုပ်ငန်းများစသည်ဖြင့်ရှိရာ၊တရားစီရင်သည့်လုပ်ငန်းများသည်ဥပဒေအရအာဏာအပ်နှင်းထားပါမှ၊တနည်းအားဖြင့်ဥပဒေပြဌာန်းချက်ရှိပါမှ၊ထိုအာဏာအတိုင်းဆောင်ရွက်နိုင်သည့်အာဏာရှိပါသည်။
ယခုမြန်မာနိုင်ငံရှိ၊ရာဇဝတ်ကျင့်ထုံး၊တရားမကျင့်ထုံးများတွင်စီရင်ချက်ချမှတ်ခြင်း၊ကြားနာခြင်းတို့နှင့်စပ်လျဉ်း၍ Video Conferencing ကဲ့သို့သောနည်းများဖြင့်ဆောင်ရွက်နိုင်သောအာဏာရှိသည်ဟုပြဌာန်းချက်မရှိသေးပါ။
ထိုသို့ဆောင်ရွက်နိုင်ရန်လက်ရှိဥပဒေများကိုပြင်ဆင်ပါမှထိုသို့ Video Conferencing ဖြင့်ဆောင်ရွက်ခွင့်ရှိမည်ဟုဖော်ပြလိုပါသည်။
ဤအယူအဆကိုသက်သေခံအက်ဥပဒေပုဒ်မ ၆၀ ၏နောက်တွင်၊ပုဒ်မ ၆၀-ကအဖြစ်ဖြည့်စွက်၍ဗီဒီယိုသို့မဟုတ်ရုပ်မြင်သံကြားဆက်သွယ်မှုဖြင့်တိုက်ရိုက်သက်သေခံချက်ယူနိုင်ရန်ဥပဒေကိုဖြည့်စွက်၍တရားရုံးအားအာဏာအပ်နှင်းခဲ့သည့်သာဓကကို တွေ့မြင်နိုင်ပါသည်။
သို့ပါ၍စီရင်ချက်ချခြင်း၊ကြားနာခြင်းကိစ္စများကို Video Conferencing ဖြင့်ပြုလုပ်ရန်တရားရုံးတွင်အာဏာရှိမရှိစိစစ်သင့်ပါကြောင်း။
Comments
Post a Comment