တရားရုံးတွင်သက်သေခံအဖြစ်တင်သွင်းသောဂရန်စာချုပ်များအကြောင်း
ဆရာကြီးဦးမြသင်ကြားပို့ချချက်များ
တရားရုံးတွေမှာတခါတရံသက်သေအဖြစ်တင်သွင်းတတ်တဲ့ဂရန်စာချုပ်တွေကိုဖတ်ကြည့်ရင်၊ကော်လိတ္တော်အရာရှိရဲ့ခွင့်ပြုချက်မရပဲ၊အစိုးရအငှားချထားတဲ့မြေကိုမရောင်းရဘူး၊မပေါင်ရဘူး၊မစိတ်ဖြာရဘူးစသည်ဖြင့်၊စည်းကမ်းချက်တွေသတ်မှတ်ထားပါတယ်။
အဲဒီလိုစည်းကမ်းချက်ရှိပေမဲ့၊ကော်လိတ္တော်ရဲ့ခွင့်ပြုချက်မရပဲအဲဒီမြေကိုရောင်းတယ်၊ပေါင်တယ်၊ငှားကြတာပါပဲ။ဂရန်စည်းကမ်းချက်ကိုဆန့်ကျင်ပြီးအဲဒီလိုလွှဲပြောင်းမှုတွေဟာပျက်ပြယ်သလားဆိုတဲ့ပြဿနာပေါ်ပေါက်လာတယ်။
ပဋိညာဉ်ဥပဒေပုဒ်မ၂၃မှာ၊ဥပဒေအရတားမြစ်ထားတဲ့စည်းကမ်းချက်တွေနဲ့ဆန့်ကျင်နေရင်ပျက်ပြယ်တယ်လို့ရေးထားပါတယ်။ကော်လိတ္တော်ကဂရန်ထုတ်ပေးတဲ့အခါမှာ၊မရောင်းရ၊မချရ၊မခွဲစိတ်ရဆိုပြီးတားမြစ်ထားတာကိုဖောက်ဖျက်ရင်ပဋိညာဉ်ဥပဒေပုဒ်မ၂၃အရအဲဒီလိုရောင်းချလွှဲပြောင်းတာပျက်ပြယ်သလားဆိုတဲ့ဆုံးဖြတ်စရာပေါ်လာတယ်။
၁၉၆၂ခုနှစ်မှာခရိုင်တရားမတရားသူကြီးတယောက်ကပျက်တယ်လို့ဆုံးဖြတ်ခဲ့ပါတယ်။ဂရန်ကိုကော်လိတ္တော်ရဲ့ခွင့်ပြုချက်မရပဲရောင်းတာဟာ၊ဂရန်စည်းကမ်းချက်နဲ့ဆန့်ကျင်တဲ့အတွက်ရောင်းချခြင်းပျက်တယ်လို့ဆုံးဖြတ်ခဲ့ပါတယ်။
ဂရန်စည်းကမ်းချက်တွေနဲ့ဆန့်ကျင်စေကာမူ၊ရောင်းခြင်း၊ပေါင်ခြင်းစတဲ့စည်းကမ်းချက်တွေဟာမပျက်ပြယ်ပါဘူးလို့ 12BLT156မှာဆုံးဖြတ်ပြီးသားပါ။
12BLTဆိုတာ၁၉၁၉ခုနှစ်ကထုတ်တဲ့စီရင်ထုံးတွေဖြစ်တယ်။
၁၉၁၉ခုနှစ်ကထုတ်တဲ့စီရင်ထုံးကို၁၉၆၂ခုနှစ်မှာတောင်၊ခရိုင်တရားသူကြီးမသိဘူးဆိုတာလွန်လွန်းအားကြီးပါတယ်။
BurmaLawTimeဟာပုဂ္ဂလိကထုတ်ဝေတာဖြစ်တယ်။
အတွဲ၁၃တွဲရှိတယ်။
၁၉၀၇ခုနှစ်ကနေ၁၉၂၀ပြည့်နှစ်အထိထုတ်ဝေခဲ့တယ်။
12BLTမှာ၊ဂရန်မှာကော်လိတ္တော်အရာရှိရဲ့ခွင့်ပြုချက်မရပဲရောင်းချခြင်း၊ပေါင်နှံခြင်းမပြုလုပ်ရဘူးဆိုတာရေးထားတာမှန်ပါတယ်။ဒါပေမဲ့အဲဒီစည်းကမ်းချက်တွေကိုဖောက်ဖျက်မယ်ဆိုရင်၊ကော်လိတ္တော်အရာရှိကသူ့မြေကိုပြန်သိမ်းမှာပေါ့။သို့ပေမဲ့ကော်လိတ္တော်အရာရှိကစည်းကမ်းဖောက်တာကိုအကြောင်းပြုပြီးမြေပြန်သိမ်းရင်တော့၊ဂရန်ရသူရဲ့ပစ္စည်းပဲဖြစ်လိမ့်မယ်။ရောင်းချနိုင်ပါတယ်။
ကော်လိတ္တော်အရာရှိကအစိုးရနှင့်မြေငှားသူရဲ့ကြားမှာပြေရာပြေကြောင်းစည်းကမ်းချက်လေးတွေရေးထားတာဖြစ်တယ်။ဒါကြောင့်ဒီစည်းကမ်းချက်တွေကိုဖောက်ဖျက်တာဟာပဋိညာဉ်ဥပဒေပုဒ်မ၂၃နဲ့အကျုံးမဝင်ပါဘူးလို့ရေးထားတယ်။
ဥပဒေကတခါတလေမှာလွယ်မယောင်နဲ့ခက်တာလေးတွေရှိပါတယ်။
Comments
Post a Comment