အရွယ်မရောက်သေးသူဟာသူပိုင်ပစ္စည်းကိုရောင်းလို့မရပါ

ဆရာကြီးဦးမြသင်ကြားပို့ချချက်များ

ဆရာသင်ချင်တာက အရွယ်မရောက်သေးသူဟာသူပိုင်ပစ္စည်းကိုရောင်းလို့မရဘူး။ဒါကြောင့် The minor sale လို့ရေးလို့မရဘူး။ The minor purports to sale his property လို့ပဲရေးလို့ရတယ်။ 

ရောင်းတဲ့သဘောအနေနဲ့ပဲစာချုပ်ချုပ်လို့ရတယ်။ သူရောင်းတာအတည်မဖြစ်ဘူး။

ဆရာမောင်မောင်ရေးတဲ့အင်္ဂလိပ်စာလိုဖြစ်သွားတာပေါ့။ ( The instrument does not amount to sale . ) minorချုပ်ဆိုသောစာချုပ်ဟာအရောင်းအထမမြောက်ဘူး။

ပဋိညာဉ်တခုဖြစ်မြောက်ဖို့ဆိုတာပဋိညာဉ်ဥပဒေပုဒ်မ၁၁နဲ့ညီညွတ်ရတယ်။

ပုဒ်မ၁၁မှာပဋိညာဉ်ချုပ်ဖို့အရည်အချင်းရှိလောက်အောင်၊အရွယ်ရောက်တဲ့သူဖြစ်ရမယ်လို့သေချာရေးထားတယ်။

ပဋိညာဉ်ပြုနိုင်တဲ့အရွယ်ဟာဘယ်မှာလဲလို့သိချင်ရင်အရွယ်မရောက်သူများအက်ဥပဒေကိုကြည့်ရမယ်။

၁၈နှစ်ဆိုတာသာမန်အားဖြင့်တော့မှန်ပါတယ်။

ဒါပေမဲ့တခါတခါမှာအရွယ်မရောက်သေးသူအတွက်အုပ်ထိန်းသူခန့်ရင်သူဟာ၂၁နှစ်ကျမှအရွယ်ရောက်တယ်။

ဒါကြောင့်၁၈နှစ်ပြည့်တိုင်းအရွယ်ရောက်ပြီလို့မှတ်လို့မရဘူး။

အုပ်ထိန်းသူအဖြစ်တရားရုံးကမခန့်ခဲ့ဘူးဆိုရင်မှန်ပါတယ်။

ဥပမာ-၁၇နှစ်သားတယောက်ကသူ့ပစ္စည်းကိုရောင်းပြီဆိုပါတော့။အဲဒီအရောင်းဟာ၊အရောင်းမမြောက်ဘူးလို့ပြောပြီးပြီ။အားလုံးသိတဲ့အတိုင်းပဋိညာဉ်ဟာသုံးမျိုးရှိတယ်။တရားဝင်ပဋိညာဉ်( Legal Contract )၊ ( Voidable Contract )ဖျက်သိမ်းခွင့်ရသောလို့ဘာသာပြန်ကြတယ်။ဆရာကတော့ ဖျက်သိမ်းလိုကဖျက်သိမ်းနိုင်သော လို့ဘာသာပြန်တယ်။ ( Void Contract )ပျက်ပြယ်သောပဋိညာဉ်လို့ဖြစ်တယ်။

အရွယ်မရောက်သေးသူကချုပ်ဆိုသောပဋိညာဉ်သည်LegalContractပုဒ်မ၁၁အရတော့မဟုတ်နိုင်ဘူး။ 

VoidContractလား၊ VoidableContractလားပြဿနာရှိပါတယ်။

မြန်မာနိုင်ငံမှာရှိတဲ့စီရင်ထုံးများအရ( Printed Judgment Lower Burma )၊၁၈၉၃ကနေ၁၈၉၉ကာလအထိချမှတ်ခဲ့တဲ့စီရင်ထုံးတွေမှာ PJLB398နဲ့PJLB656၊အဲဒီစီရင်ထုံးနှစ်ခုစလုံးမှာပဲ၊ အရွယ်မရောက်သေးသူနဲ့ပြုလုပ်တဲ့ပဋိညာဉ်ဟာVoidableContractဖြစ်တယ်၊လို့ပြောပါတယ်။ 

ဆိုလိုတာကဖျက်မှပျက်မဲ့စာချုပ်ပါ။

တချိန်တည်းမှာပဲအောက်မြန်မာပြည်မှာရှိသလို၊အထက်မြန်မာပြည်မှာလည်းဂျူဒီရှယ်ကော်မရှင်နာရုံး၊အဲဒီရုံးကလည်း(၁၈၉၇-၀၁)၊သူတို့က၊လေးနှစ်တကြိမ်ထုတ်တယ်။နှစ်တွဲထုတ်တယ်။(၁)ကရာဇဝတ်ချည်းပဲ။(၂)ကတရားမချည်းပဲထုတ်ပါတယ်။ 

2UBR313(1897-01)စီရင်ထုံးကလည်း Voidable လို့ဆုံးဖြတ်လိုက်တယ်။ဖျက်မှပျက်တယ်။တနည်းအားဖြင့်မဖျက်ရင်မပျက်ဘူးပေါ့။

အဲဒီလိုနဲ့လာခဲ့တာ၁၉၀၃ခုနှစ်ကျတော့၊ 30Cal543 ၁၉၀၃ခုနှစ်ကျမှ Privy Councilကဆုံးဖြတ်လိုက်တယ်။ Voidဖြစ်တယ်။ လုံးဝပျက်တယ်လို့ဆုံးဖြတ်တယ်။အဲဒီမတိုင်ခင်ကအိန္ဒိယနိုင်ငံမှာVoidဖြစ်တယ်လို့ပြောတဲ့တရားလွှတ်တော်တွေလည်းရှိပါတယ်။Voidable ဖြစ်တယ်လို့ဆုံးဖြတ်တဲ့တရားလွှတ်တော်တွေလည်းရှိပါတယ်။

ဘာဖြစ်လို့ကွဲလွဲသွားတာလည်းဆိုရင်၊ဒီလိုအရွယ်မရောက်သေးတဲ့လူနဲ့လုပ်တဲ့ပဋိညာဉ်ဟာဘယ်လိုဖြစ်မလဲဆိုတာကိုတွေးခေါ်ကြတဲ့အခါကျတော့၊အဖြေရှာလို့မရတော့အင်္ဂလန်ကိုသွားလှမ်းကြည့်တယ်။ 

အင်္ဂလန်ကအရွယ်မရောက်သေးသူနဲ့လုပ်တဲ့ပဋိညာဉ်ကိုVoidableဖြစ်တယ်လို့ကျင့်သုံးလို့၊မြန်မာပြည်သယ်လာ၊အိန္ဒိယသယ်လာပြီးလုပ်ကြတာပေါ့။

ကာလကတ္တားကျမှအင်္ဂလန်ဥပဒေတွေနဲ့ContractActမတူဘူး။ လုံးဝပျက်ရမယ်ဆိုပြီးတော့ဖြစ်လာတာ။အဲဒီနောက်ပိုင်းကျမှအရွယ်မရောက်သေးသူနဲ့လုပ်တဲ့ပဋိညာဉ်ဟာပျက်တယ်ဆိုပြီးတော့ဖြစ်လာတယ်။