ရှုပ်ထွေးလှသောအမွေမှု(အပိုင်း၅)
ဆရာကြီးဦးမြသင်ကြားပို့ချချက်များ
ရှုပ်ထွေးလှသောအမွေမှု၊အပိုင်း၅
ပူးတွဲအမွေဆိုင်ဒေါက်တာဂျီအာရ်လူးဝစ်(စ်)က၊ဦးကြည်ဝင်းအားအမွေပစ္စည်းအားလုံးကိုရောင်းချခွင့်မရှိ၊မိမိ၏အစု၃ပုံ၁ပုံ(ဖခင်ကွယ်လွန်စဉ်က၉ပုံ၂ပုံနှင့်မိမိထံမှ၉ပုံ၁ပုံ)ကိုသာရောင်းချခွင့်ရှိသည်။ကျန်အမွေဆိုင်များ၏အစုကိုရောင်းချခြင်းသည်မဖြစ်နိုင်ဟုစီရင်ထုံးစာမျက်နှာ၂၁၇တွင်ကောက်ယူဆုံးဖြတ်ခြင်းကိုအငြင်းပွားရန်အကြောင်းမရှိ။ 2004 BLR 89 ( SAB )စီရင်ထုံးကိုကြည့်ပါ။
တရားရုံးချုပ်ကစီရင်ချက်စာမျက်နှာ၂၁၇နှင့်၂၁၈တွင်အောက်ပါအတိုင်းသုံးသပ်သည်-
"အယူခံတရားလိုတို့၏ဝေစုနှင့်စပ်လျဉ်း၍အတည်မဖြစ်သော်လည်း၊ဒေါက်တာဂျီအာရ်လူးဝစ်(စ်)၏ဝေစုနှင့်စပ်လျဉ်း၍အတည်ဖြစ်သောကြောင့်ဝယ်သူဦးကြည်ဝင်းအနေဖြင့်အချင်းဖြစ်ပစ္စည်း၏တစိတ်တဒေသကိုပစ္စည်းတရပ်လုံးအတွက်သဘောတူသောဈေးဖြင့်သက်သာခွင့်ရနိုင်သည်။ဤမူသဘောကို၊ ၂၀၀၀ မတစ ၉(၃၀)၊(၃၁)၊(၃၂)(ဦးကျော်မြင့်ပါ၂ နှင့် ဒေါ်ခင်မာမာပါ၄)(ကိုမောင်မြင့်ပါ၂ နှင့် ဒေါ်ခင်မာမာပါ၄)အမှုတွင်တွေ့မြင်နိုင်သည်။"
2000 BLR 9( SAB )အမှုမှာ၊သီးခြားသက်သာခွင့်အက်ဥပဒေပုဒ်မ၁၂အရပဋိညာဉ်အတိုင်းဆောင်ရွက်ပေးစေလိုမှုဖြစ်သည်။(စီရင်ထုံးစာမျက်နှာ၁၂-၁၃တွင်"မြေအရောင်းအဝယ်စာချုပ်ကိုမှတ်ပုံတင်ပေးစေလိုမှု"ဟုဖော်ပြထားခြင်းကိုကြည့်ပါ။)
2000 BLR 9 ( SAB )အမှု၌စီရင်ထုံးစာမျက်နှာ၃၀-၃၁၌၊သီးခြားသက်သာခွင့်အက်ဥပဒေပုဒ်မ၁၅ရှိအောက်ပါပြဌာန်းချက်ကိုကိုးကားဆုံးဖြတ်ပါသည်-
"ပဋိညာဉ်ချုပ်ဆိုသူတဦးသည်ပဋိညာဉ်ပါမိမိဆောင်ရွက်ရန်ဖြစ်သောအမှုကိစ္စတရပ်လုံးကိုမဆောင်ရွက်နိုင်သည့်အပြင်၊မဆောင်ရွက်ဘဲချန်ထားရမည့်အစိတ်အပိုင်းသည်ပဋိညာဉ်တရပ်လုံး၏များသည့်အစိတ်အပိုင်းဖြစ်လျှင်သော်လည်းကောင်း၊ငွေကြေးဖြင့်ပေးလျော်၍မရနိုင်သည့်အရာဖြစ်လျှင်သော်လည်းကောင်း၊#သီးခြားဆောင်ရွက်စေရန်အတွက်ဒီကရီရထိုက်ခွင့်မရှိ၊သို့သော်အခြားတဖက်ကတရားစွဲဆိုလာလျှင်ပျက်ကွက်သူအားပဋိညာဉ်ပါမိမိဆောင်ရွက်ရန်ဖြစ်သည့်အမှုကိစ္စအနက်ဆောင်ရွက်နိုင်သမျှကိုသီးခြားဆောင်ရွက်စေရန်ဆင့်ဆိုနိုင်သည်။သို့ရာတွင်တရားလိုသည်နောက်ထပ်ဆောင်ရွက်စေရန်တောင်းဆိုချက်အရပ်ရပ်နှင့်လျော့နည်းသည့်အစိတ်အပိုင်းအတွက်ဖြစ်စေ၊တရားပြိုင်၏ပျက်ကွက်မှုကြောင့်မိမိဆုံးရှုံးသည့်သို့မဟုတ်နစ်နာသည့်အတွက်ဖြစ်စေ၊လျော်ကြေးရခွင့်အရပ်ရပ်ကိုစွန့်လွှတ်ရမည်။"
Comments
Post a Comment