အမှုရပ်စဲခြင်း(အပိုင်း၂)

ဆရာကြီးဦးမြသင်ကြားပို့ချချက်များ

အမှုရပ်စဲခြင်း၊အပိုင်း၂

AIR 1988 SC 506 

( M . Veerappa  vs   Evelyn Sequeira & Ors )(on 13 January , 1988)

(Equivalent citations : 1988 AIR 506 , 1988 SCR(2) 606

အမှုတွင်၊တရားလိုကမိမိရှေ့နေအပေါ်နစ်နာကြေးရလိုမှုစွဲဆိုဆဲ၌သေဆုံးသွားရာမှတရားစွဲဆိုရန်အကြောင်းကျန်ရစ်ခြင်းရှိမရှိပြဿနာကိုအဆုံးအဖြတ်ပေးရာတွင်၊အိန္ဒိယနိုင်ငံတရားလွှတ်တော်ချုပ်ကပုဒ်မ၃၀၆ပါ၊အထက်ပါစကားရပ်သည်လက်ရောက်မှုနှင့်အလားတူအမှုအစားသို့မဟုတ်သဘောသဘာဝချင်းတူသည်မဟုတ်။

အသရေဖျက်မှုနှင့်လည်းသဘောသဘာဝချင်းတူသည်ဟု၊13Ran385စီရင်ထုံးနှင့်ကွဲလွဲဆုံးဖြတ်သည်။

တရားလိုသေဆုံးခြင်းကြောင့်အမှုရပ်စဲခြင်းရှိမရှိပြဿနာမှာ၊စွဲဆိုသောအမှုသည်ပဋိညာဉ်အပေါ်အခြေခံသလားဆိုသောအချက်အပေါ်မူတည်သည်။

စွဲဆိုသောအမှုသည်ပဋိညာဉ်အပေါ်တစိတ်တဒေသတည်ပြီး၊တရားမနစ်နာမှု(torts )အပေါ်တစိတ်တဒေသတည်လျှင်(မှတ်ချက်။   ။ဥပမာရှေ့နေ​၏ပေါ့ဆမှုကြောင့်အမှုရှုံးရခြင်း)ပဋိညာဉ်အပေါ်အခြေခံသောတောင်းဆိုချက်တစိတ်တဒေသသည်ကျန်ရစ်မည်ဖြစ်ပြီး၊အခြားအပိုင်း(တရားမနစ်နာမှုစွဲဆိုမှု)မှာရပ်စဲသွားမည်ဖြစ်သည်ဟုဆက်လက်ပြဆိုသည်။

တဖက်တွင်အမွေဆက်ခံရေးအက်ဥပဒေပုဒ်မ၃၀၆ပါ

" except causes of action for defemation , assault , as defined in the Penal Code , or other personal injurues not causing the death of the party"

ဟူသောပြဌာန်းချက်များကိုဖတ်ရှုပါက၊"assault "နောက်တွင်"comma"ရှိနေသည်မှာရေးထုံးရေးနည်းအရအပိုဖြစ်သည်ဟုငြင်းစရာဖြစ်နေသည်။

"assault as defined in the Penal Code"ဟုဆိုပါက၊အင်္ဂလိပ်သဒ္ဒါနှင့်ညီညွတ်ပါမည်။

"Penal Code "ဟူသောစကားရပ်နောက်၌"comma"ရှိပြီး၊ or နှင့်ဆက်ထားသည်ကိုထောက်ချင့်ပါက"defemation , assault , as defined.......other personal injuries"စသည်ပြဌာန်းချက်များကိုဖတ်ရှုပါက၊အင်္ဂလိပ်သဒ္ဒါအရ"other personal injuries"တို့သည်ရှေ့ကလာသော"defemation , assault "တို့နှင့်အဆက်အစပ်ရှိသည်ဖြစ်၍"personal injuries"ဟူသောစကားရပ်သည်ရှေ့ကလာသောအသရေဖျက်မှု၊လက်ရောက်မှုနှင့်အမျိုးအစားတူသောသို့မဟုတ်သဘောသဘာဝချင်းတူသော၊ပုဂ္ဂိုလ်ရေးထိခိုက်နစ်နာမှုများ၊ဟုအဓိပ္ပာယ်ရသည်ဖြစ်ရာ AIR 1988 SC 506 ၌ပြဆိုချက်သည်ပို၍သဘာဝယုတ္တိနှင့်ညီညွတ်သည်ဟုဆိုနိုင်သည်။

သို့ရာတွင် 13 Ran 385 စီရင်ထုံး၊စာမျက်နှာ၃၉၆နှင့်၃၉၇တို့တွင်ကိုးကားသောစီရင်ထုံးအချို့ကို၊ AIR 1988 SC 506 စီရင်ထုံး၌ကိုးကားထားသည်။

AIR 1988 SC 506 စီရင်ထုံးစာမျက်နှာ၆တွင်၊အမွေဆက်ခံရေးအက်ဥပဒေပုဒ်မ၃၀၆ကိုအောက်ပါအတိုင်းဖော်ပြထားသည်-

"306.xxxxxxxxxxxxxxxxxxexcept causes of action for defemation , assault as defined in the Indian Penal Code , or other personal injuries not causing the death of the party ;xxxxxxxxxxxx."

13 Ran 385 စီရင်ထုံးတွင်၊ "assault"နောက်တွင်၊ "comma"ရှိနေပြီး၊ AIR 1988 SC 506 စီရင်ထုံးတွင်၊ "assault"နောက်တွင်၊ "comma "မရှိဘဲ၊ "assault as defined in the Indian Penal Code"ဟု၊အင်္ဂလိပ်သဒ္ဒါနှင့်ညီညွတ်စွာရေးသားထားသည်ကိုတွေ့မြင်နိုင်သည်။စီရင်ထုံးနှစ်ခု​၏အရေးအသားကွဲပြားချက်ထူးခြားမှုကိုတွေ့မြင်နိုင်သည်။

ပြည်ထောင်စုတရားလွှတ်တော်ချုပ်သည်၊အကြောင်းဆိုက်လာပါကအိန္ဒိယနိုင်ငံတရားလွှတ်တော်ချုပ်​၏စီရင်ချက်နှင့်၊ 13 Ran 385 စီရင်ချက်များကိုလေ့လာပြီး၊သင့်လျော်သောအဖြေထုတ်ပြသင့်ပါသည်။