တရားမနစ်နာမှုဥပဒေမှာ Made in England ဖြစ်သည်။

ဆရာကြီးဦးမြသင်ကြားပို့ချချက်များ

တရားမနစ်နာမှုဥပဒေ(The Law of Torts )

တရားမနစ်နာမှုဥပဒေမှာ Made in England ဖြစ်သည်။

ဘီအယ်(လ်)သင်တန်းပထမနှစ်တွင်၊ပဋိညာဉ်အက်ဥပဒေနှင့်တရားမနစ်နာမှုဥပဒေကိုမေးခွန်းတခုတွင်မေးမြန်းဖြေဆိုစေသည်။ 

Ratanlal & Dhirajlal တို့ပြုစုသောကျမ်းသည်ပြဌာန်းစာအုပ်ဖြစ်သည်။

အင်္ဂလိပ်ဘာသာဖြင့်ထုတ်ဝေသော The Court Manual(ပထမအကြိမ်နှင့်ဒုတိယအကြိမ်ထုတ်)တွင်၊ထိုစာအုပ်နှင့် Pollock's Law of Torts တို့ကို၊စံဥပဒေစာအုပ်များအဖြစ်သတ်မှတ်သည်။

၁၉၇၀ပြည့်နှစ်တွင်၊မြန်မာဘာသာဖြင့်ထုတ်ဝေသောတရားရုံးများလက်စွဲတွင်မူ၊စံဥပဒေစာအုပ်များအဖြစ်သတ်မှတ်ထားသောစာရင်းသည်၊အလွန်တရာတိုတောင်းသည့်အပြင်၊ဥပဒေဘာသာရပ်များလည်းအလွန့်အလွန်နည်းသွားသည်။

သို့ဖြစ်၍၁၉၇၀ပြည့်နှစ်နောက်ပိုင်း၊ဥပဒေပညာရှင်များဖြစ်လာကြသောဥပဒေပညာရှင်တို့သည်၊မည်သည့်ကျမ်းများကိုဆည်းပူးရမည်ကိုသိခွင့်မရတော့။

စာရေးသူဘီအယ်(လ်)သင်တန်းတက်စဉ်က၊The Law of Torts အပါအဝင်ကျမ်းများကို၊စာအုပ်ဆိုင်ကြီးများတွင်ဝယ်၍ရခဲ့ပါသည်။

ဆရာများ​၏ပို့ချချက်များအပြင်၊ထိုကျမ်းများကိုဆည်းပူးပြီး၊စာမေးပွဲဖြေခဲ့ရခြင်းဖြစ်သည်။

စာရေးသူစိတ်ဝင်စားသောကျမ်းများတွင်၊The Law of Torts ပါသည်။

ထိုဘာသာရပ်တွင်၊ဂုဏ်ထူးမရခဲ့သော်လည်းအမှတ်များများရခဲ့လောက်အောင်၊ပဋိညာဉ်နှင့်တရားမနစ်နာမှုဥပဒေကိုကျေကျေညက်ညက်လေ့လာခွင့်ရခဲ့သည်။

ထိုကျမ်းကြီးများကိုရောင်းသောစာအုပ်ဆိုင်များမရှိတော့သည်မှာ၊၁၉၆၂ခုနှစ်မှစခဲ့ပါသည်။

ဥပဒေပညာရှင်များထိုကျမ်းများကိုဖတ်ရှုလေ့လာရကောင်းမှန်းပင်မသိတော့။

တရားမနစ်နာမှုဥပဒေသည်၊ယခုခေတ်ဥပဒေပညာရှင်များနှင့်အလွန်စိမ်းသောဥပဒေဖြစ်သည်။

Desai Narotam ပြုစုသော A Dictionary of Law Terms and Phrases ကျမ်း(၁၉၁၆ခုနှစ်ထုတ်)စာမျက်နှာ၃၉၃တွင်၊လူကိုသို့မဟုတ်ပစ္စည်းကိုတိုက်ရိုက်နစ်နာစေသည့်အတွက်တရားမနစ်နာမှုအရတရားစွဲဆိုနိုင်ပေလိမ့်မည်။

(the action of tort will lie for a direct injury to the person or property)ဟုပြဆိုသည်။

ရာဇသတ်ကြီးပုဒ်မ၄၀၃တွင်ပြဌာန်းထားသည့်ရာဇဝတ်မကင်းသောပစ္စည်းအလွဲသုံးစားမှုကို၊ဥပဒေပညာရှင်တိုင်းသိသည်။

မျက်မှောက်ခေတ်တွင်၊ရွှေ့ပြောင်းနိုင်သောပစ္စည်းကိုအလွဲသုံးစားပြုသည့်အတွက်၊တရားမကြောင်းအရလျော်ကြေးရလိုမှုစွဲဆိုခွင့်ရှိကြောင်းသိသူနည်းပါးသွားချေပြီ။

တရားမနစ်နာမှုဥပဒေတွင် misappropriation ဟူသောစကားကိုမသုံး။

Conversion (ပုဒ်မ၄၀၃ပါ convert ၏နာမ်စကားရပ်ဖြစ်သည်)ဟူသောစကားကိုသုံးစွဲထားသည်။

များမကြာမီကဟင်္ဟသာတမြို့တွင်ထိုတရားမမှုမျိုးပေါ်ပေါက်ဖူးသည်။

သို့သော်တရားမနစ်နာမှုဥပဒေအရတရားစွဲရမှန်းမသိ။

အမှုကိုအခြားဥပဒေအရတရားရုံးအဆင့်ဆင့်ကဆုံးဖြတ်သည်။

မတရားမှုကျူးလွန်သူကို tort-feasor ဟုခေါ်သည်။

မတရားမှုကိုပူးတွဲကျူးလွန်သူများကို joint tort-feasor ဟုခေါ်သည်။

1949 BLR ( H C ) 317

P. Abdul Mohamed Sheriff v. Hajee Sahib Hajee Mohamed Brothers and another.

Before U Thein Maung, Chief Justice, and U San Maung, J.

အမှုတွင်အောက်ပါအတိုင်းဆုံးဖြတ်သည်-

Held: When several persons combine and without any right take possession of goods belonging to another in a house and treat them as their own they cannot claim to be finders of goods, they are guilty of conversion.

Held further: That a release of one of the joint-tort-feasors expressly reserving his right to sue or without any intention to release, the other joint-tort-feasors amounts only to a partial satisfaction and discharges the others only pro tanto.

Cause of action of damages for wrongful conversion is one and indivisible Inspite of the release of a joint officer the cause of action remain indivisible, In a decree for damages for conversion, damages cannot be apportioned to the defendants.

The burden of proving the quantity of goods taken possession of by the joint-tort-feasors is on the tort-feasors themselves. If they do not produce the best evidence or withhold any portion of evidence, the presumption would arise that such evidence if produced would be against them.