တရားမကျင့်ထုံးဥပဒေပုဒ်မ၁၀၉(က)အရတင်သွင်းခွင့်ရှိသောအမှုနှစ်မျိုးနှစ်စား

ဆရာကြီးဦးမြသင်ကြားပို့ချချက်များ

တရားမကျင့်ထုံးဥပဒေပုဒ်မ၁၀၉( က )အရတင်သွင်းခွင့်ရှိသောအမှုနှစ်မျိုးနှစ်စားရှိသည်။

ပထမအမျိုးမှာတရားလွှတ်တော်ကခရိုင်တရားရုံး၏စီရင်ချက်ကိုပယ်ဖျက်သော ဒီကရီအပေါ်အယူခံဝင်ခြင်း ဖြစ်သည်။တရားလွှတ်တော်ကတရားမပထမအယူခံမှုတွင်အကြောင်းခြင်းရာအပေါ်ဆုံးဖြတ်ချက်အပြီးသတ်မည်ဖြစ်သည်။1956 BLR ( H C )148စီရင်ထုံးကိုကြည့်ပါ။

သို့ဖြစ်ရာတရားလွှတ်တော်ကချမှတ်သောဒီကရီအပေါ် ပြည်ထောင်စုတရားလွှတ်တော်ချုပ်တွင်ပုဒ်မ၁၀၉( က )အရတင်သွင်းသောအယူခံမှု၌အကြောင်းခြင်းရာနှင့်စပ်လျဉ်း၍အယူခံအကြောင်းပြချက်တင်သွင်းခွင့်မရှိ။

ထိုနည်းတူခရိုင်တရားရုံးကအယူခံတွင်အကြောင်းခြင်းရာနှင့်စပ်လျဉ်း၍မူလတရားရုံး၏အကြောင်းခြင်းရာအပေါ်ကောက်ယူဆုံးဖြတ်ချက်ကိုပယ်ဖျက်လျှင်ခရိုင်တရားရုံး၏ကောက်ယူဆုံးဖြတ်ချက်သည်ပုဒ်မ၁၀၀( ၁ )( ဃ )တွင်အကျုံးမဝင်၊အပြီးသတ်ဖြစ်သဖြင့်ထိုဆုံးဖြတ်ချက်မှားယွင်းကြောင်းတရားလွှတ်တော်တွင်တင်သွင်းသည့်အယူခံမှု၌အကြောင်းပြချက်အဖြစ်တင်သွင်းခွင့်မရှိ။

အထူးသတိချပ်ရန်အချက်မှာ၊အကြောင်းခြင်းရာများအပေါ်ချမှတ်သည့်ဆုံးဖြတ်ချက်အပေါ်ချမှတ်သည့်ဆုံးဖြတ်ချက်နှစ်မျိုးနှစ်စားရှိသည်။

ကောက်ချက်ချသည်( infer )

မြန်မာစာအဖွဲ့ကပြုစုသောအင်္ဂလိပ် - မြန်မာအဘိဓာန်စာမျက်နှာ-၇၁၄ တွင်  infer ကို ကောက်ချက်ချသည်ဟုဘာသာပြန်သည်။အဆိုပါအဖွဲ့ကပြုစုသောမြန်မာအဘိဓာန်အကျဉ်းချုပ်ပထမတွဲစာမျက်နှာ-၂၁ တွင်ကောက်ချက်ချသည်ဟူသော ဝေါဟာရကိုလိုရင်းအချက်ကိုသတ်မှတ်ပြောဆိုသည်ဟုအဓိပ္ပာယ်ဖွင့်ဆိုသည်။

ပထမအဘိဓာန်တွင်ပြဆိုထားသော  

infer  a  connection  between  smoking  and  heart  disease  .  The  size  of  the  population  can  be  inferred  from  the  archaeological  remains  . 

ဥပမာများကိုသတ္တုချကြည့်လျှင် infer ၏အဓိပ္ပာယ်ကိုကောင်းစွာသိရှိနိုင်သည်။