နိုင်ငံခြားစီရင်ထုံးအချို့

ဆရာကြီးဦးမြရေးသားသောအဆိုလွှာနှင့်တရားစွဲဆိုရန်အကြောင်း

စာမျက်နှာ၅၃နှင့်၅၄

နိုင်ငံခြားစီရင်ထုံးအချို့

25 W R 81 ( P C ) ( Weekly  Reporter ( W . R . ) စီရင်ထုံးများကို၁၈၅၈ခုနှစ်မှစ၍ ထုတ်ဝေခဲ့ရာ၂၅မှာအတွဲအမှတ်ဖြစ်သည်။ရှေးကျသောစီရင်ထုံးများဖြစ်သည်။)အမှုတွင်အောက်ပါအတိုင်းထုံးဖွဲ့သည်။

"  A  possession  on  the  part  of  one   party  which  is  not  shown  to  have  commenced  in  wrong  can  only  be  disturbed  by  distinct  proff  of  a  superior  title  in  another  party  . "

ပရီဗီကောင်စီက  possession  which  is  not  shown  to  have  commenced  in  wrong ( မတရားမှုတွင်မြစ်ဖျားခံသည်ဟုမထင်ရှားသောလက်ရှိဖြစ်မှု )ဟူသောမြွက်ဆိုချက်သည်  PJLB 484 စီရင်ထုံးပါ lawful  possession နှင့်ဆိုလိုရင်းချင်းတူသည်။

စကားအသုံးအနှုန်းသိုသိပ်မှုသာကွဲပြားသည်။

သူတပါးလက်ရှိပစ္စည်းအတွင်းသို့ကျူးကျော်ဝင်ရောက်လက်ရှိထားသူသည်ပစ္စည်းကိုမတရားရယူသူဖြစ်သည်မှာယုံမှားဖွယ်မရှိ။

ပရီဗီကောင်စီက  superior  title  ဟုဆိုသည်။

၁၉၉၆ခုနှစ်၊တရားမအထူးအယူခံမှုအမှတ်၂၂၊ဒေါ်ခင်စော နှင့် ဦးထွန်းတင် ပါ ၂ အမှုတွင်မူ better  title ဟုသုံးသည်။

အဓိပ္ပာယ်ချင်းတူသည်။

အိန္ဒိယနိုင်ငံစီရင်ထုံးအချို့ပါထုံးဖွဲ့ချက်တို့ကို  11  LBR 415 စီရင်ထုံးတွင်စာမျက်နှာ ၄၁၆နှင့်၄၁၇တို့၌ဖော်ပြထားရာမြန်မာနိုင်ငံစီရင်ထုံးများနှင့်အမြင်ကွဲပြားခြင်းမရှိ။

စာရေးသူ၏ သီးခြားသက်သာခွင့်အက်ဥပဒေစာအုပ် စာမျက်နှာ ၂၃ တွင်  AIR 1968 SC 1165 စီရင်ထုံးပါထုံးဖွဲ့ချက်ကို မြန်မာဘာသာဖြင့်ပြန်ဆိုကာအောက်ပါအတိုင်းဖော်ပြခဲ့သည်။

"ပိုင်ရှင်အသွင်ဖြင့်မြေလက်ရှိဖြစ်ပြီးပိုင်ရှင်၏သာမန်အခွင့်အရေးကိုသုံးစွဲနေထိုင်သူတဦးသည်ပိုင်ရှင်အစစ်မှတပါးခပ်သိမ်းကုန်သောသူတို့နှင့်စပ်လျဉ်း၍ပိုင်ဆိုင်ခွင့်အခိုင်အမာရှိသည်။ပိုင်ရှင်အစစ်သည်စည်းကမ်းသတ်ကာလအတွင်းမိမိအခွင့်အရေးကိုအရေးဆိုခြင်းမပြုလျှင်၊ထိုသူ၏အခွင့်အရေးသည်ဆိတ်သုဉ်းသွားပြီးလက်ရှိထားလျက်ရှိသောသူသည်ပိုင်ဆိုင်ခွင့်အပြီးအပိုင်ရရှိသည်။ပိုင်ရှင်မဟုတ်သောအခြားသူကထိုသို့လက်ရှိထားခြင်းကိုအနှောင့်အယှက်ပြုလာလျှင်၊လက်ရှိထားသူသည်သီးခြားသက်သာခွင့်အက်ဥပဒေအရလက်ရောက်ရလိုကြောင်းစွဲဆိုနိုင်သည်။"

အင်္ဂလန်နိုင်ငံတွင်ကျင့်သုံးသည့်အခြေခံသဘောတရားမှာPrior(8 LBR 227 ( FB) စီရင်ထုံးတွင်previous ဟုသုံးသည်။)

possession  is  a  good  title  of  ownership  against  all  who  cannot  show  a  better  title

(အလျင်လက်ရှိဖြစ်ခြင်းသည်သာလွန်သောဆိုင်ရေးဆိုင်ခွင့်ရှိကြောင်းမပြနိုင်သည့်သူတို့အားလုံးအပေါ်ပိုင်ဆိုင်မှုကိုထင်ဟပ်သောခိုင်မာသည့်ဆိုင်ရေးဆိုင်ခွင့်ဖြစ်သည်)ဟူ၍ဖြစ်သည်။

မြန်မာနိုင်ငံတွင်ကျင့်သုံးသောဥပဒေသဘောတရားနှင့်ကွဲပြားခြင်းမရှိ။