ကာလစည်းကမ်းသတ်သည်လောကပါလတရားမဟုတ်ပါ

ဆရာကြီးဦးမြသင်ကြားပို့ချချက်များ

ပြည်နယ်တရားသူကြီးတယောက်က၊ဦးသန်းမောင်(ကိုယ်တိုင်နှင့်ဦး........၊ဒေါ်......၊ဒေါ်တို့ကိုယ်စားလှယ်အဖြစ်ဖြင့်)ဆိုပြီးရေးထားတာတွေ့ရတယ်၊ဒါကြီးကိုမှားလို့မှားမှန်းတောင်ပြည်နယ်တရားသူကြီးလုပ်နေပြီးမသိပါလား။

ဒီအမှားကိုအဆိုလွှာရတဲ့နေ့ကတည်းကတင်ရမှာ၊တရားမကျင့်ထုံးကိုသေသေချာချာဖတ်စေချင်ပါတယ်။

တရားမကျင့်ထုံးရဲ့နောက်ဘက်မှာဘယ်လိုအမှုတွေမှာအဆိုလွှာတွေဘယ်လိုရေးရမယ်၊အချေလွှာတွေဘယ်လိုရေးရမယ်၊ထုတ်ရမဲ့သမ္မာန်စာ၊အစရှိသည်တို့ရဲ့ပုံစံတွေကိုပြည့်ပြည့်စုံစုံရေးထားပါတယ်။

မြန်မာနိုင်ငံဥပဒေ၊စာမျက်နှာ၂၃၂မှာတရားမကျင့်ထုံးဥပဒေရဲ့နောက်ဆက်တွဲ(က)တွင်တရားလိုတွေကိုဘယ်လိုရေးရမယ်ဆိုတာသေသေချာချာရေးထားပါတယ်။

ကိုယ်စားလှယ်နဲ့စွဲတဲ့အခါဘယ်လိုရေးရမယ်ဆိုတာပါပါတယ်။

( A . B by his constituted attorney C . D )

ဦးဖြူ(၎င်း​၏ကိုယ်စားလှယ်စာရသူဦးမဲဖြင့်)

ကာယကံရှင်ဟာဦးဖြူပဲဖြစ်မှာ၊တရားရုံးကိုလာပြီးပြောဆိုမဲ့လူဟာဦးမဲဖြစ်မယ်။

၁။ဦးသန်းမောင်၂။ဦးဖြူ၃။ဒေါ်မဲ၄။ဒေါ်ဝါ

(၎င်းတို့​၏ကိုယ်စားလှယ်ဦးသန်းအောင်ဖြင့်)

ပိုဆိုးတာကအမှုသည်ကသေသွားပြီ။

သူ့နေရာမှာတရားဝင်ကိုယ်စားလှယ်ဝင်လာတယ်။

သေတဲ့လူရဲ့နာမည်ပျောက်သွားပြီ။

တရားပြိုင်ကဦးမြင့်ဆိုပါစို့၊သူကသေသွားတော့သူ့မိန်းမဝင်လာမယ်၊အဆိုလွှာကိုပြောင်းသွားပြီးတော့၊ဦးမြင့်နာမည်ပျောက်သွားမယ်။

ဦးမြင့်နာမည်ပျောက်သွားပြီးတော့သူ့မိန်းမဒေါ်မဲ(ဦးမြင့်​၏တရားဝင်ကိုယ်စားလှယ်)ဆိုပြီးဖြစ်ရမယ်။

အခုထိတရားဝင်ကိုယ်စားလှယ်နဲ့ကိုယ်စားလှယ်လည်းမကွဲကြသေးပါဘူး။

ရိုးရိုးကိုယ်စားလှယ်ကို၊ကိုယ်စားလှယ်(သို့)အခွင့်ရကိုယ်စားလှယ်လို့ပြောနိုင်ပါတယ်။

တရားပြိုင်တယောက်သေသွားတယ်၊တရားပြိုင်(၃)ဦးရှိတယ်၊သေတဲ့လူအတွက်ကိုယ်စားလှယ်မထည့်ဘူး၊သေတဲ့လူနေရာမှာခင်ဗျားတို့ဝင်ရမှာဘဲ၊ဘာဖြစ်လို့ထည့်နေမှာလဲလို့ပြောဆိုနေပါတယ်။

သေတဲ့လူအမွေစားအမွေခံဟာအမှုတွဲမှာရှိနေလို့ရှိရင်၊တရားမကျင့်ထုံးဥပဒေအမိန့်၂၂၊နည်း၂အရမှတ်တမ်းတင်ရမယ်။

သူ့ရဲ့အမွေစားအမွေခံတွေဟာ၊ဒီအမှုတွဲမှာရှိနေပါတယ်ဆိုတာ၊တရားမကျင့်ထုံးဥပဒေအမိန့်၂၂၊နည်း၂အရမှတ်တမ်းတင်ရပါမယ်။

တရားမမှတ်ပုံတင်မှာလည်းမှတ်ပုံတင်ရပါမယ်။

ပြီးမှ proceed လုပ်ရပါမယ်။

L R ထည့်တယ်ဆိုကတည်းကမှင်နီနဲ့ခြစ်ပစ်ရပါတယ်။

L R ကိုလည်းမှင်နီနဲ့ထည့်ရပါတယ်။

Register မှာမှင်နီနဲ့ကိုထည့်ရပါတယ်။

အဲဒီလိုမှင်နီနဲ့ကျကျနနလုပ်ခဲ့ရင်၊စီရင်ချက်ရေးတဲ့အခါသေတဲ့လူကိုခေါ်မိတော့မှာမဟုတ်ပါဘူး။

သေတဲ့လူအပေါ်မှာချတဲ့ဒီကရီ၊အရွယ်မရောက်သေးသူအပေါ်မှာအုပ်ထိန်းသူမပါဘဲချတဲ့ဒီကရီတွေဟာ Nullity ဖြစ်တယ်လို့၊ 1937 RLR 164 စီရင်ထုံးကိုကိုးကားပြီးပြောခဲ့ပါတယ်။

အမှုမှာ( LR = Legal Representative )တရားဝင်ကိုယ်စားလှယ်မတင်ဘူး။

ကာလစည်းကမ်းသတ်သည်လောကပါလတရားမဟုတ်ပါ။

ရက်ပေါင်း၉၀အတွင်း၊တရားဝင်ကိုယ်စားလှယ်မထည့်လို့အမှုရပ်စဲမယ်ဆိုရင်၊လောကပါလတရားနဲ့မညီပါဘူး။

ရှေ့နေကစာမဖတ်လို့မထည့်ရုံနဲ့အမှုသည်နစ်နာပါ့မယ်။

ဆရာတို့ဆီမှာတော့ဒီလိုလုပ်မထားရင်၊ကိုယ်စားလှယ်ကိုထည့်ချင်တဲ့အချိန်မှထည့်ပြီးအမှုတွေမပြီးနိုင်ဖြစ်မှာပေါ့။

လောကပါလတရားနဲ့စီရင်နေတဲ့ဒေသမှာတော့၊ကာလစည်းကမ်းသတ်ဟာလောကပါလတရားနဲ့မညီပါဘူး