The Indian Law Reports, Rangoon Series, 1924, Volume 2

 ဆရာကြီးဦးမြသင်ကြားပို့ချချက်များ

၁၉၂၂ခုနှစ်ဒီဇင်ဘာလအတွင်း၌တည်ထောင်သောရန်ကုန်မြို့တရားလွှတ်တော်သည်၊အောက်မြန်မာပြည်တရားရုံးချုပ်နှင့်အထက်မြန်မာပြည်တရားဌာနမင်းကြီးရုံးတို့အစားတည်ထောင်သောတရားရုံးဖြစ်ပါသည်။

ထိုစဉ်ကအိန္ဒိယနိုင်ငံ၏ပြည်နယ်တခုဖြစ်၍၊စီရင်ထုံးများကို၊အိန္ဒိယနိုင်ငံ၏လွှတ်တော်တခုအဖြစ်အမည်ဖော်ပြ၍(အိန္ဒိယစီရင်ထုံးများ၊ရန်ကုန်၊ I. L. R. Rangoon)၁၉၂၂-၂၃ကာလအတွက်မှစတင်၍နှစ်စဉ်တနှစ်စီအတွဲလိုက်ထုတ်ဝေသည်။

The Indian Law Reports, Rangoon Series, 1924, Volume II တွင်၊ထိုစဉ်ကဟိုက်ကုတ်လွှတ်တော်၌ရုံးထိုင်သောတရားသူကြီးချုပ်အပါအဝင်တရားသူကြီး(၁၇)ဦးကစီရင်ကြားနာဆုံးဖြတ်ခဲ့သောအမှုများကိုထုံးပြုထားသည်။

ဟိုက်ကုတ်လွှတ်တော်တရားသူကြီး(၁၇)ဦးတွင်၊မြန်မာတရားသူကြီးဦးမေအောင်နှင့်Mr. Justice Joseph Augustus Maung Gyi တို့ပါဝင်သည်။

မြန်မာတရားဝန်ကြီးဦးမေအောင်သည်မြန်မာဓလေ့ထုံးတမ်းဥပဒေကိုပြုစုသူဖြစ်သည့်အပြင်၊ဒုတိယမြောက်မြန်မာတရားဝန်ကြီးတဦးလည်းဖြစ်သည်။

Joseph Augustus Maung Gyi သည်၊စတုတ္ထမြောက်မြန်မာတရားဝန်ကြီးတဦးဖြစ်သည်။

ကိုလိုနီခေတ်တရားလွှတ်တော်တွင်၊ Government Advocate အဖြစ်တာဝန်ထမ်းဆောင်သူ( ၆ )ဦးထဲတွင်၊မြန်မာလူမျိုးဦးမြဘူးနှင့်ဦးထွန်းဖြူတို့က၊ Assistant Government Advocate အဖြစ်တာဝန်ထမ်းဆောင်ခဲ့သည်။

၁၉၂၄ခုနှစ်၊အိန္ဒိယစီရင်ထုံးများ၊ရန်ကုန်၊အတွဲ(၂ )တွင်ပရီဗီကောင်စီအမှုနှစ်မှု၊စုံညီအမှုသုံးမှု(တရားမမှုနှစ်မှုနှင့်ရာဇဝတ်မှုတမှု)အပါအဝင်၊(၁၀၃)မှုကိုထုံးပြုခဲ့သည်။

၁၉၂၄ခုနှစ်စီရင်ထုံးစာအုပ်တွင်စာမျက်နှာ၆၉၃မျက်နှာရှိသည်။

စီရင်ထုံးစာအုပ်အစီအစဉ်တွင်၊ Table of Cases Reported နှင့် Table of Cases Cited ဟုဖော်ပြသည်။

Table of Cases Cited တွင်စီရင်ထုံးများကိုရည်ညွှန်း၍-

Referred to or Distinguished 

Followed or Re-Affirmed 

Dissented from or Over-ruled ဟုဖော်ပြသည်။

—————————————

ပရီဗီကောင်စီတွင်လိုက်ပါကြသောရှေ့နေကြီးများ​၏အမည်များဘေးတွင်-

K. C.(King's Counsel)

Q. C.(Queen's Counsel)ဟုဖော်ပြသည်။

၎င်းတို့သည်ဝါရင့်ရှေ့နေကြီးများဖြစ်ကြသည်။

ယခင်တရားလွှတ်တော်တရားဝန်ကြီးချုပ်အဖြစ်ဆောင်ရွက်ခဲ့သော-

Mr. Rutledge သည်၊K. C.ဖြစ်သည်။

1 Ran မှ 1942 R. L. R. စီရင်ထုံးများတွင်၊ပရီဗီကောင်စီစီရင်ထုံးများပါရှိရာပရီဗီကောင်စီရှေ့တွင်နှစ်ဖက်ရှေ့နေများ​၏လျှောက်လဲချက်အကျဉ်းချုပ်ကိုဖတ်ကြည့်ရာ၌၊ပရီဗီကောင်စီသည်အယူခံမှုများကိုဆုံးဖြတ်ရာတွင်၎င်းတို့​၏အကူအညီရခဲ့ကြောင်းအကဲခတ်မိပါသည်။